呢套o野精彩在結局﹐盲毛記者問主角﹐典解要保護海洋﹐主角答：
「如果連一口乾淨的水都飲唔到，咁賺咁多錢又有咩意思？」
問題係﹐保護海洋、愛護動物﹐跟戀慕情人一樣﹐本屬自然﹐又何需再問典解？難道有源源不絕「乾淨的水」﹐就可坐視動物被殘殺？
於是明白此片所謂保護海洋﹐跟悲憫動物慘被殺害無關。即是用功利主義﹐畀一個保護環境的理由﹐人類保護自然﹐不過因為自私(想人類在地球生存下去﹐唔駛好似腥港人咁﹐日日飲鉛水屎水毒水。)
星爺最後一番答案﹐其實唔係講真﹐反而有犬儒的含意。假如《美人魚》是愛情電影﹐「乾淨的水」可視為「愛」的換喻﹐則跟太宰治所言「愛是捨生之事」完全不同﹐星爺反而係一邊印腳﹐一邊唱緊I will survive。即是星爺係用「自私」來解釋﹐佢典解會丟幾百億落鹹水海﹐鍾意人魚(純愛)﹐相宿相棲。
片末男主角(星爺的投射)明明為保護人魚﹐萬箭穿心﹐死於碼頭﹐但結局都要扭個twist﹐死而復生。即係話﹐星爺的inner-self﹐就係覺得自己係一個賤人﹐佢都接受唔到﹐自己會為愛犧牲一切。骨子裡﹐即對愛的懷疑。
呢個世界﹐做賤人(信權信錢信自利)﹐係容易過做好人(為愛戰鬥, 犠牲性命)好多架。
星爺不相信愛
《美人魚》頭半個鐘﹐相當難睇﹐伯爺婆出來講古﹐更係悶到叫阿媽。一路到美人魚潛入男主角公司玩暗殺﹐就開始有料到。男主角去警署﹐更係奇筆。唔係因為好笑咁簡單﹐而係因為做到個suspence﹐做到個暧昧性﹐會令識思考的觀眾由套戲抽離﹐然後問：
「美人魚」(愛情的隱喻)係咪真係存在？
假如《美人魚》出事﹐就係個敘事結構出了問題﹐即唔用美人魚潛入男主角公司﹐或男主角去警署開頭﹐於是營造唔到吸引追看的懸疑﹐並削弱了套戲的「可解讀性」(美人魚作為metaphor)。
戲裡特別提及失敗作﹐兒童電影《長江七號》﹐並非無因。用番星爺放棄香港﹐拍中國片後的發展﹐其實合理﹐佢就要拍盲毛識睇﹐老嫗能解的電影﹐迎合兒童觀眾﹐或智力、審美力跟兒童相若的成人(如腥港人)。而星爺漸漸脫離幕前﹐其理亦同﹐就係要觀眾沉緬其中﹐而無醒覺。
於是呢套野言之鑿鑿﹐令觀眾認為﹐世上真係有美人魚﹐即係放棄高層次的真假虛幻﹐情為何物的探索。而求淺白﹐當然白不過保護環境﹐想飲啖清新既水﹐中國人都不過想安居樂業o者(細路都明﹐同荷里活娛樂片一樣)。
而觀眾亦不會反問： (假扮)保護海洋後﹐我地(腥港人)就唔駛繼續飲鉛水了嗎？
因為訊息簡單明確﹐於是《美人魚》結局就變成冠冕堂皇﹐大條道理(「一口乾淨的水都飲唔到，咁賺咁多錢又有咩意思？」)﹐而脫離了疑幻疑真的境界(美人魚到底是真有其人﹐還是空想童話？)﹐於是星爺的犬儒﹐就出唔到來。勤於思考的觀眾﹐還是能看懂星爺的弦外之音：
其實佢唔相信美人魚(愛情)真係存在。
於是明白﹐典解星爺真人係咁「賤」﹐因為佢總愛言愛﹐但其實不信真愛。
深海尋人
《美人魚》結局由三個層次組成(碼頭、別墅、深海)﹐難言真幻﹐可以有多種解釋﹐於是形成曖昧的vanity﹐此片事實係星爺走於真愛的十字路口﹐而迷失其中。
假如《美人魚》拍得好﹐觀眾就能意會﹐結局斟茶遞水那條女﹐其中一個解釋﹐根本唔係美人魚﹐不過係紫霞仙子同青霞仙子﹐差唔多樣o者。而觀眾稍有聯想力﹐咪知星爺不過重用 技安的故智﹐即係《仙履奇緣》結局﹐城牆上同朱茵一樣樣個條女o羅。
將《美人魚》結局對照《仙履奇緣》﹐一切就清楚明白不過了。技安進入了至尊寶向紫霞悔罪的層次(悔不當初)﹐而星爺還在「我笑他人看不穿」的自戀中間徘徊。這也是星爺跟技安的分別(犬儒と天真)。
技安式愛的迷局﹐著迷於愛情的不完滿﹐於時空倒錯間耍樂、踟躕、自我投射、打飛機﹐跟英治時代香港人自覺命定的無能為力結合。
而同樣談情說愛﹐星爺又何時能脫離西遊記的陰影﹐衝決網羅﹐鏟爆bad faith﹐在世界中心高呼我愛你/妳？
講兩句好開心唔想修改連搵圖耗時： 約53分
