此片果然不錯﹐際此亂世﹐可作一則左膠啟示錄.
90年代巴爾幹地區民族屠殺﹐塵埃落定之後﹐兩條女左膠去行義﹐一法一俄﹐一老一嫩﹐從中可見左膠的進化：
初生之犢「法國女左膠」﹐不失純情﹐對受苦兒童仍有憐憫之心﹐等於支聯會時代﹐站於司徒華身邊﹐為死難學生流一掬同情之淚的周澄；
而向官僚靠攏的「俄國女左膠」﹐按章工作﹐已近麻木﹐即2.0進化﹐等於今日千帆過盡﹐滄桑走遍﹐已從街頭運動消失的周澄。
片末「法國女左膠」跟井水中無人認領的屍體道別﹐正是尸骸慣見亦尋常﹐天真的人道主義﹐頭腦簡單的同情悲憫﹐高高在上的我好偉大﹐從來經歷不了真相的考驗﹐麻木的試探﹐人心腐敗的磨難。
千差萬別﹐殊途同歸
本片的智慧﹐是將聯合國維持和平部隊﹐視作左膠權力的延伸﹐手持法律與槍械﹐得到權力後﹐向義士指手劃腳﹐其實不過打分工﹐維穩做戲。觀眾亦不難想像﹐法國女左膠跟俄國女左膠﹐其分歧﹐其實不多﹐只係二人三足一樣的不同步。電影散場後﹐二姝會走的路﹐亦不過一式一樣。左膠之路﹐千差萬別﹐殊途同歸﹐不過想透過一層一層關卡﹐一張一張申請表﹐問建制拿錢﹐寫靚張CV﹐由NGO跳糟﹐做個世界公民﹐加入聯合國工作。
俄國女左膠恥笑南美男左膠﹐「你班人咩都咁失敗﹐乜都做唔成」(大意)﹐正是惡人先告狀：
男左膠40歲人都唔化﹐重好純情﹐想做實事﹐造福難民﹐但一切善行結果徒勞﹐像一滴牛奶流入一缸墨水﹐除了歸因於天意弄人﹐陰差陽錯﹐正係呢班腐化女左膠作孽弄權﹐不斷官僚阻撓的結果。
片末亦有神來之筆﹐南美男左膠替貧苦兒童討公道﹐發狂亂來﹐其實亦不過係盲頭烏蠅強出頭﹐事情真相根本唔係佢諗咁樣。男左膠淪為自作多情的忍樣。好心尚且會做壞事﹐更何況係濫用正義之名﹐作道德判官﹐本來就立壞心腸？
自求多福﹐上天庇佑
電影結局更有基亞魯斯達米的氣勢﹐亂世生存﹐要向動物學習(牛、狗、烏蠅)。因果難料﹐死生有命﹐世人應該取法自然。天要下雨﹐女要走人﹐除了攤攤手﹐黎明亦冇計。左膠式悲天憫人﹐永遠是對的﹐一邊向建制要錢﹐鞏固權力﹐再用大愛包容、保護弱者來結黨營私、行惡自肥﹐殊不知﹐左膠的倒行逆施﹐從來係違反人情、違反自然、違反正義、違反因果。
萬般帶不走﹐唯有業隨身﹐亦如電影《恐怖雞》﹐大陸殺手吳倩蓮巧奪天工的殺人毒計﹐亦被一場風暴大雨所阻。造物弄人﹐不以人為意志轉移﹐左膠領袖於《明報》亂寫影評﹐更需謙遜﹐睇多o的戲。
如有觀眾玩駁嘴﹐「做咩隻狼狗Tyson餓極都唔死？」甚至扯到隱喻美利堅合眾國什麼的﹐其實會錯意。牛牛引路﹐惡狗有情﹐此片其實已去到「神秘主義」的領域﹐天地不仁﹐我們除了反躬自省﹐多行仁義﹐亦只能靠天意、啟示、果報﹐自創神話信仰﹐等天降甘霖﹐來替地獄熄火﹐消除人間災劫。
要抵抗左膠亂世﹐正常人口誅筆伐﹐鬧到口臭﹐其實亦無計﹐亦只能向蒼天禱告﹐求上帝將不仁不義之輩﹐早日轟進地獄。
No comments:
Post a Comment