少數比較in﹐又缺少道德感的電影迷言﹐這兩個月上匪國網盜看岩井俊二《夢的花嫁》TV版﹐亦係一時風尚。
《夢的花嫁》TV版跟映画版﹐今年3月下旬開始日本放映﹐而中國盜版﹐幾乎跟日本同步﹐即島國播一集TV版﹐隔兩日中國網上就有殘體字幕版。而大陸盜版upload到第二集﹐就再也不見影蹤﹐直情從網上消失﹐花落無痕。
事後upload者留下一條status﹐
「前兩集都無聲無息被下架了﹐將來幾集
應該也不能up,殘念T_T等電影下檔
會再試試。請別再求檔﹐謝謝.」
「會再試試﹐請別再求檔」﹐之後此君唔覺有再「試試」。這條status與其話係自況和交待﹐不如話以儆效尤﹐其潛台詞：「你地都唔好再試」。
呢個係共匪的高明﹐直搗黃龍﹐由「源頭」做起﹐一切清理乾淨﹐再由當事人悔過交待﹐勒令閑雜人等統統收手﹐打一個即滅一雙。而一切都係檯底進行﹐不知就不知﹐盲毛眼中﹐就什麼都沒有發生。
最奇妙﹐以前要表演開車壓碎數萬張盜版DVD﹐而家咩都唔駛做﹐大家有默契﹐所有野就消失於無形﹐殘餘物search唔到半滴。
而共匪捍然出擊﹐顯然亦同近年岩井俊二入侵中國市場有關(監製大陸爛片什麼的)﹐講到尾就是混交血緣﹐你(岩井)已係我地(中共)這方o既人﹐就要互相保護利益關係。
呢類用流言傳說﹐文化偶像推波助瀾﹐甚至珍貴菲林收於倉底﹐有700個唔同版本來製造迷霧的操作﹐最高超可能係王家衛﹐事實係幫觀眾﹐尤其係虛榮心重的影痴﹐製造耽溺其中自我陶醉的欲望。
這是高難度動作﹐去年左膠翁子光《踏血尋血》又想兩個版本起雙飛﹐想用張叔平招徠﹐則效果不彰。
而今次《夢的花嫁》強制「下架」事件﹐即輕視了影迷間耳語談資、互相虛妄炫耀的威力﹐岩井俊二少看了自己的實力﹐亦係多了幾分計算。
對照香港《十年》亦有趣。
4月6日網上出現盜看《十年》﹐即日製作者就同蘋果日報﹐聯袟出擊。無言以對﹐扯到什麼「極不尊重」﹐「浪費了團隊的心血」﹐而這種道德譴責﹐當然係無效。要youtube刪片即日做到﹐但天大地大﹐世有春風﹐野草自然又生。
香港始終跟中國不同﹐就算狠話放一堆﹐想斬草除根﹐經年累月控制話語權﹐亦冇咁容易。
那些深耕細作的社區放映﹐幾分鐘五場全爆的myth﹐亦差不多可以收工。
最直接的效果﹐9日後﹐《十年》已再勒唔住﹐要官方推出Google Play版本﹐讓人付錢收看。
錢銀係次要﹐關鍵在﹐原來觀眾要撲飛入戲院﹐集體催眠催淚﹐拍掌自淫的廉價經驗﹐變成每個人只要信用卡過數﹐都有權對著電腦﹐由頭到尾看一次《十年》﹐獨立思考﹐獨立觀看﹐然後獨立作出判斷﹐此片係真想人起來抗爭﹐定用絕望消磨觀眾意志。
所謂一票難求﹐好難睇到之類的欲望操縱﹐不知不覺﹐亦已破產。
主流輿論吹噓超過半年﹐金像獎後一個星期﹐亦難再起高潮。本土派會否反攻﹐查實亦未必會。反而個個道聽塗說﹐誤會《十年》好勇敢、好激進、推港獨﹐其實亦無壞。
網上盜看凸襲﹐就直接轟碎了製作者一直操控觀眾閱讀《十年》的方式(包括由撲飛開始的入場體驗﹐以至事後評價電影的方法)﹐甚至連「大台」都無形中消解了(百老匯電影中心)。
而根據蘋果日報﹐還要等四個月﹐《十年》要到8月先出碟和上itunes。稍有聯想力都知是政治行為﹐係為9月立法會選舉助選的利器。到時這件事仍會否有效﹐要待時間見證。
而這一切改變﹐亦源自於upload《十年》網上盜看。
完。
No comments:
Post a Comment