05 April 2015

膠化杜琪峰 ------- 談偽港片《衝鋒車》

呢套o野唔係杜琪峰o個隻﹐似郭子健《打擂台》那種﹐又無聊又肉麻又cliche。

或者咁講啦﹐似「膠化杜琪峰」﹐例如《柔道龍虎榜》卡在樹上的紅氣球﹐變了蝙蝠俠圖案黃色波波﹐主題由一個人為理想默默而死﹐變成一班人露營放黃氣球做。類似拿黃傘週街行﹐就等於自己做左野。又例如結局一班賊佬背住夕陽小便﹐連打尿震﹐都是那麼的假(根本冇疴﹗)。

亦類似「旺角鳩嗚」有效﹐差佬無計可施﹐就有組織晚晚搵班人膠化佢(今日都未膠完);「佔領金鐘」疑似會被差佬鎮壓﹐就有學院中人著博士袍﹐落場去監察佢﹐膠化佢咁啦。

香港電影冇咩剩低﹐杜琪峰一套依然work﹐就變了各方爭奪的「剩餘價值」。紀錄片《無涯》想搞新殖民﹐由香港人和中國人合作﹐re-define何謂「香港」;《衝鋒車》包裝成香港片﹐杜派黑社會片(吳鎮宇等一班老派香港演員)﹐內裡依然要膠化杜Sir﹐然後取而代之(杜Sir繼續北上中國不毛之地﹐消耗其意志﹐呢班新人則留港拍和諧片)。例如此片所謂「愛兄弟定愛黃金」﹐《黑社會》是調侃﹐用現實角度看其荒唐﹐而《衝鋒車》當真咁拍時(班盲毛黑社會真係咁諗)﹐觀眾重唔能覺得呢班黑社會(傳統港片價值)都係癲既咩?

好驚呢種抽水片﹐扮激進﹐好多符號﹐紅van啦、阿杜啦(有個角色叫Johnnie T)、官塘啦(銀河映像)、《無間道》啦(莊文強麥兆輝兩個柒頭)﹐重有差佬啦。

你以為佢挑差佬機咩?完全唔係個回事﹐呢套野根本向差佬歌功頌德。差人古巨基結局獨白佢要「除暴安良」﹐連魔警(徐步高)個名都食埋﹐計算到極。其潛台詞﹐即係咁:「賊佬」點會有好人呀(吳鎮宇班廢柴係打飛機)﹐反而「差佬」先係永遠忍辱負重﹐先係正義(不斷出現的superhero符號)。

留意古巨基和邵音音講﹐佢地係要捉賊﹐不是捉壞人。「好、壞」有道德判斷(即係要差人用腦﹐要質疑何謂正義)﹐「賊」就冇(犯法就要拉﹐差佬只係收錢做野的機器)。呢套野的陰毒﹐正是合理化「平庸之惡」(Banality of evil)﹐結局古巨基照足上頭order做野﹐但佢一樣係為「正義」獻身﹐付出自己﹗

呢套o野假扮賊佬有「好人」﹐但觀眾一睇就明﹐完全是打飛機(片尾班人話出冊後﹐要改裝漁船收服尖閣諸島云云﹐我就想話﹐中國內政關你隱事咩)﹐所以編導將成套戲拍成「笑片」(認真你就輸了﹐阿腥);

反而呢﹐差人古巨基明明好假﹐設計不可信﹐但結局自願接受任務﹐做番臥底小巴司機﹐猛講粗口(即係由電影人物回歸「現實」﹐由假入真)﹐為正義忍辱負重(上司三年又三年的承諾﹐同一國兩制一樣﹐明明是騙局﹐佢都照信照做)﹐即係以一概全﹐用匪語﹐即係用個柒頭﹐將香港差佬個形象「優化」。
族大有乞兒﹐徐步高、旺角警署強姦報案人的魔警﹐亦不過是少數例子﹐古巨基先係香港差人的象徵。

呢個先係《衝鋒車》成個設計的point:
明明開頭「差佬」和「賊佬」﹐都係好假的柒人﹐但發展下去﹐「差佬」愈來愈真(結局做臥底小巴司講粗口﹐即係回歸日常)﹐班賊愈來愈假﹐變了《回魂夜》精神病人(壓軸大戰其實是真人卡通)﹐重話要同阿牛、長毛一班柒人﹐去收復「尖島」。咁你話啦﹐觀眾會認同哪一邊? (真正有智慧的人﹐當然會小柒編導啦)

拍攝完全不合格(請看那幾場不知所謂的槍戰戲)﹐結局打鬥﹐重要Slow-motion﹐於我言簡直似畀人一刀一刀淩遲。

最好笑﹐片尾重特登鳴謝三幾十個香港老人導演﹐多謝一兩個就話者﹐黑社會曬馬乎?真係唔知咩用意。我只可以說﹐稍為有點傲氣﹐有特立獨行個性的人﹐都不屑咁向權貴獻媚。

又一部向極權交心﹐邪惡無恥的維穩片。

7 comments:

Anonymous said...

謝謝阿武

400

Anonymous said...

真係麻麻。鳴謝仲有黃子華。

400

阿武 said...

多謝真係去睇呢。愈多人睇/讚﹐港產片死得愈快(或被奪舍)。立此存照。

AhMo said...

大公報反而講真話﹐香港愈來愈奇:
http://news.takungpao.com.hk/paper/q/2015/0409/2967481.html

Anonymous said...

你條柒頭所謂既影評偏激到仆街,亂9咁吠。

Model paper said...

真係亂9咁吠,依位人兄根本係將所有戲都同極權維穩拉上關係。我係本土派都覺得你咁樣係影衰我地。其實你係唔係曲線5毛呀?

Anonymous said...

完全係為踩而踩既影評
你真會看電影嗎
框框的